દહેજ ખાતે રૂ.૨,૧૫૩ કરોડના ડ્રગ્સનો વિજ્ઞાનસહિત નાશ

નાયબ મુખ્યમંત્રીની ઉપસ્થિતિમાં પોલીસની મોટી કામગીરી

ભરૂચના દહેજ ખાતે નાયબ મુખ્યમંત્રી હર્ષ સંઘવીની ઉપસ્થિતિમાં રૂ.2,153 કરોડના ડ્રગ્સનો વૈજ્ઞાનિક પદ્ધતિથી નાશ કરવામાં આવ્યો છે, જેમાં 13,249.127 કિલોગ્રામ ડ્રગ્સ અને 5,71,028 બોટલનો સમાવેશ થાય છે.

આ કાર્યક્રમ ‘એન્વાયરો ઇન્ફ્રાસ્ટ્રક્ચર લિમિટેડ’ દ્વારા આયોજિત હતો અને રાજ્યના 24 એકમો દ્વારા 867 ગુનાઓમાં જપ્ત થયેલ નાર્કોટિક્સ જથ્થાનો નાશ કરવામાં આવ્યો. નાયબ મુખ્યમંત્રીશ્રીએ લાકડીયા (ભચાઉ) ખાતે પણ નાર્કોટિક્સ નાશ કાર્યક્રમનો ઓનલાઇન પ્રારંભ કરાવ્યો.

કાર્યક્રમ દરમિયાન ડ્રગ્સ નિકાલ કમિટીના સભ્યોએ જથ્થાનું પ્રત્યક્ષ નિરીક્ષણ કર્યું. નાયબ મુખ્યમંત્રી હર્ષ સંઘવીએ જણાવ્યું, “ગુજરાત પોલીસે ડ્રગ્સ માફિયાઓ અને કાર્ટેલ સામે મજબૂત કાર્યવાહી કરીને આંતરરાષ્ટ્રીય ડ્રગ્સ સ્મગલિંગ નેટવર્કની કમર તોડી નાખી છે.” તેમણે ઉમેર્યું કે, “છેલ્લા દોઢ વર્ષથી આ અભિયાનને એક જંગની જેમ લડીને હજારો કરોડ રૂપિયાનું ડ્રગ્સ પકડવામાં આવ્યું છે.”

કેન્દ્રીય ગૃહમંત્રી અમિત શાહના ‘ડ્રગ્સ-ફ્રી ઇન્ડિયા’ના આહ્વાન હેઠળ ‘ઝીરો ટોલરન્સ’ની નીતિ અનુસરાઈ છે. નાયબ મુખ્યમંત્રીશ્રીએ જણાવ્યું કે, “ગુજરાતમાં ડ્રગ્સ સંબંધિત કેસોમાં કન્વિક્શન રેશિયો 65% ની આસપાસ છે, જે કાયદાકીય મજબૂતાઈ દર્શાવે છે.” તેમણે વધુમાં કહ્યું, “ડ્રગ્સના નેટવર્ક સાથે જોડાયેલા લોકો સામે કડકમાં કડક પગલાં લેવામાં આવશે.”

પોલીસ વિભાગ દ્વારા ‘ડ્રગ મુક્ત ગુજરાત’ જાગૃતિ વીડિયો, વ્યસનમુક્ત થયેલા પીડિતોના પ્રતિભાવો દર્શાવતી લઘુફિલ્મ અને વિશેષ પ્રેઝન્ટેશન રજૂ કરવામાં આવ્યા. એન.ડી.પી.એસ. હેન્ડબુકનું વિમોચન પણ કરવામાં આવ્યું, જે તપાસ અધિકારીઓને માર્ગદર્શન આપશે.

નાયબ મુખ્યમંત્રીશ્રીએ જણાવ્યું, “આજના સમયમાં સમાજનું સૌથી મોટું દૂષણ ડ્રગ્સ છે. ગુજરાત પોલીસ જે રીતે જંગ લડી રહી છે તે ખરેખર વંદનીય છે.” તેમણે પોલીસના માનવીય અભિગમની પણ પ્રશંસા કરી અને જણાવ્યું કે, “ડ્રગ્સ વેચનારાઓ પાસેથી મળતી માહિતીના આધારે પીડિત યુવાનો અને તેમના પરિવારજનોનું કાઉન્સેલિંગ પણ પોલીસ કરી રહી છે.”

રાજ્ય સરકારની ‘ડ્રગ્સ રિવૉર્ડ પૉલિસી’ હેઠળ 21 મોટા કેસોમાં ઉત્કૃષ્ટ કામગીરી બદલ 278 પોલીસ જવાનોને રૂ.59.42 લાખની ઇનામી રકમ એનાયત કરી સન્માનિત કરવામાં આવ્યા.

આ પ્રસંગે જિલ્લા પંચાયત પ્રમુખ ડિમ્પલબેન રાજ, ધારાસભ્યો, રાજ્યના પોલીસ વડા જી.એસ. મલિક, વહીવટી તંત્ર અને GACL કંપનીના ઉચ્ચ અધિકારીઓ ઉપસ્થિત રહ્યા હતા.

નાયબ મુખ્યમંત્રીશ્રીએ નાગરિકો અને સામાજિક સંસ્થાઓને અપીલ કરી હતી કે, “પોલીસની કડક કાર્યવાહી સાથે સમગ્ર સમાજ જોડાશે ત્યારે જ ‘ડ્રગ્સ મુક્ત ગુજરાત’નો સંકલ્પ સાકાર થશે.”

નાયબ મુખ્યમંત્રીની ઉપસ્થિતિમાં પોલીસની મોટી કામગીરી

ભરૂચના દહેજ ખાતે નાયબ મુખ્યમંત્રી હર્ષ સંઘવીની ઉપસ્થિતિમાં રૂ.2,153 કરોડના ડ્રગ્સનો વૈજ્ઞાનિક પદ્ધતિથી નાશ કરવામાં આવ્યો છે, જેમાં 13,249.127 કિલોગ્રામ ડ્રગ્સ અને 5,71,028 બોટલનો સમાવેશ થાય છે.

આ કાર્યક્રમ ‘એન્વાયરો ઇન્ફ્રાસ્ટ્રક્ચર લિમિટેડ’ દ્વારા આયોજિત હતો અને રાજ્યના 24 એકમો દ્વારા 867 ગુનાઓમાં જપ્ત થયેલ નાર્કોટિક્સ જથ્થાનો નાશ કરવામાં આવ્યો. નાયબ મુખ્યમંત્રીશ્રીએ લાકડીયા (ભચાઉ) ખાતે પણ નાર્કોટિક્સ નાશ કાર્યક્રમનો ઓનલાઇન પ્રારંભ કરાવ્યો.

કાર્યક્રમ દરમિયાન ડ્રગ્સ નિકાલ કમિટીના સભ્યોએ જથ્થાનું પ્રત્યક્ષ નિરીક્ષણ કર્યું. નાયબ મુખ્યમંત્રી હર્ષ સંઘવીએ જણાવ્યું, “ગુજરાત પોલીસે ડ્રગ્સ માફિયાઓ અને કાર્ટેલ સામે મજબૂત કાર્યવાહી કરીને આંતરરાષ્ટ્રીય ડ્રગ્સ સ્મગલિંગ નેટવર્કની કમર તોડી નાખી છે.” તેમણે ઉમેર્યું કે, “છેલ્લા દોઢ વર્ષથી આ અભિયાનને એક જંગની જેમ લડીને હજારો કરોડ રૂપિયાનું ડ્રગ્સ પકડવામાં આવ્યું છે.”

કેન્દ્રીય ગૃહમંત્રી અમિત શાહના ‘ડ્રગ્સ-ફ્રી ઇન્ડિયા’ના આહ્વાન હેઠળ ‘ઝીરો ટોલરન્સ’ની નીતિ અનુસરાઈ છે. નાયબ મુખ્યમંત્રીશ્રીએ જણાવ્યું કે, “ગુજરાતમાં ડ્રગ્સ સંબંધિત કેસોમાં કન્વિક્શન રેશિયો 65% ની આસપાસ છે, જે કાયદાકીય મજબૂતાઈ દર્શાવે છે.” તેમણે વધુમાં કહ્યું, “ડ્રગ્સના નેટવર્ક સાથે જોડાયેલા લોકો સામે કડકમાં કડક પગલાં લેવામાં આવશે.”

પોલીસ વિભાગ દ્વારા ‘ડ્રગ મુક્ત ગુજરાત’ જાગૃતિ વીડિયો, વ્યસનમુક્ત થયેલા પીડિતોના પ્રતિભાવો દર્શાવતી લઘુફિલ્મ અને વિશેષ પ્રેઝન્ટેશન રજૂ કરવામાં આવ્યા. એન.ડી.પી.એસ. હેન્ડબુકનું વિમોચન પણ કરવામાં આવ્યું, જે તપાસ અધિકારીઓને માર્ગદર્શન આપશે.

નાયબ મુખ્યમંત્રીશ્રીએ જણાવ્યું, “આજના સમયમાં સમાજનું સૌથી મોટું દૂષણ ડ્રગ્સ છે. ગુજરાત પોલીસ જે રીતે જંગ લડી રહી છે તે ખરેખર વંદનીય છે.” તેમણે પોલીસના માનવીય અભિગમની પણ પ્રશંસા કરી અને જણાવ્યું કે, “ડ્રગ્સ વેચનારાઓ પાસેથી મળતી માહિતીના આધારે પીડિત યુવાનો અને તેમના પરિવારજનોનું કાઉન્સેલિંગ પણ પોલીસ કરી રહી છે.”

રાજ્ય સરકારની ‘ડ્રગ્સ રિવૉર્ડ પૉલિસી’ હેઠળ 21 મોટા કેસોમાં ઉત્કૃષ્ટ કામગીરી બદલ 278 પોલીસ જવાનોને રૂ.59.42 લાખની ઇનામી રકમ એનાયત કરી સન્માનિત કરવામાં આવ્યા.

આ પ્રસંગે જિલ્લા પંચાયત પ્રમુખ ડિમ્પલબેન રાજ, ધારાસભ્યો, રાજ્યના પોલીસ વડા જી.એસ. મલિક, વહીવટી તંત્ર અને GACL કંપનીના ઉચ્ચ અધિકારીઓ ઉપસ્થિત રહ્યા હતા.

નાયબ મુખ્યમંત્રીશ્રીએ નાગરિકો અને સામાજિક સંસ્થાઓને અપીલ કરી હતી કે, “પોલીસની કડક કાર્યવાહી સાથે સમગ્ર સમાજ જોડાશે ત્યારે જ ‘ડ્રગ્સ મુક્ત ગુજરાત’નો સંકલ્પ સાકાર થશે.”